ذا حس طار او ضميـرك خفوقـه

يـدق به من نـازح الفكـر دقـاق

الحي هو حيـك او طابـت وفوقـه

والدار هي دارك وهذيـك الاسـواق

يا عبيد خـل اللي تشكـل ابسوقـه

شيـخ وهو عبد يذكـر بالاعمـاق

ويا قلب وان كانت علومك صدوقـه

بينك وبيـن الـدار عهـد وميثـاق

شرواك ينشـد عن مغانـي تروقـه

حيثـك محـب للمغانـي ومشتـاق

تذكر بها عيـش مضـى ما تذوقـه

يا عونـة الله يـوم تقسيـم الارزاق

العبـد عبـد هـافيـات عمـوقـه

إن جاع باق عمومته وان شبع مـاق

والحـر حـر ينهضنـه سبـوقـه

والبوم يمشي بين الاسـواق خفـاق

قـم لا رعـاك الله قـرب سبوقـه

ثم ارفعه عن دار غاقـه وغرقـان

بع بالهجيـر اوصـال حي تشوقـه

دار عسـاهـا للـرزيـا بتيفــاق

دار الثنـا للـي بهـا والمعـوقـه

لو هي عن الدولة على سبعة أطباق

دار بهـا الولـد كثيـر اعقـوقـه

واللي يعقونـه مصليـن الاشـراق

تلقـى بهـا هـذا على ذا يسوقـه

الله يعـزك والخـونـدات بسحـاق

راعي الوفا منهـم عميلـه يبوقـه

تلقــاه حـلاف مهيــن ومـلاق

باركانها المستور ضاعت احقوقـه

واحقوق داني الجد جت له بالاوقاف

يا مـال هطـال صـدوق حقوقـه

يشبه كما ليل على الصبـح ينسـاق

يوضي كما حرب النصارى ابروقـه

يطرب له البهلـول منهـم ويشتـاق

يفتـل نـداف الطـها من اطبوقـه

مثـل النعـام ان دارها زول تفـاق

ترفي مريضـات النسايـم افتوقـه

لجب عسـى ما في نويـه بتيعـاق

تسوقـه الغربـي والأخـر يعوقـه

مستاصـل مبناه طـاق على طـاق

تفتـر عن مثـل الدحاريـج موقـه

اربـع ليـال مدلجـات على سـاق

وخامس تشوف الدار والثلـج فوقـه

مثل السريـر امجـلل عـاد بـراق

ترى العـذارى حسـر في ارقوقـه

ياضي لميع اخدودهن مثـل الاوراق

بين الطموح وبين من شـاق شوقـه

صرعى بها من غير خمر وتريـاق

تسمع ندا زجر الملك في اصفوقـه

قضا القضا والتفت السـاق بالسـاق

عمت مغانـي لاهـي في افسوقـه

يظنها خضر ابن دابيـل واسحـاق

كـل النجيـب وكلمـا لـه يسوقـه

وكل العقيب ومن بغى الطيب ما ماق

واللي يرى ضد الوفـي ما يذوقـه

يـدق به من نـازح الفكـر دقـاق