يا هل الشرق مرّوا بي على القيصريّه

عضدوا لي وتلقون الاجر والثوابـي

واطلبوا دختر العشّاق يكشف عليّـه

كود يمسح على قلبي ويبري صوابي

يا غريـبٍ لفانـا من ديـارٍ مديّـه

الغريـب الهَلَـهْ وانا على العذابـي

كود يرفى جروحٍ بالضمايـر خفيّـه

من رفا جرح مسلم فاز يوم الحسابي

وهّقونـي بعرفـه ناقليـن الخطيّـه

مثل ما وهّق العطشان ضوح السرابي

في عيونه سحر هاروت دمث الشفيّـه

سحرونى وانا بيني وبينـه حجابـي

اتحـرّى مراحـه واتحـرّى مجيّـه

واستخيل البروق اللي بليّـا سحابـي