تزل الليالـي يسهر اللي شكـى الهجـران

شكا ضـد خـلانٍ على القـرب ناسينـه

سقوني بكاس الهجر علقـم وأنا عطشـان

تحـاليـت مـره دام الاحبـاب راضينـه

محا حبـهم من خافقـي جملـة الخـلان

على ضعفهم بالعطـف واللطـف والينـه

أنا ادري إن بعض الناس يقولون لي غلطان

وهـم وش عليـهم ميـر ماحـدٍ مخلينـه

ترى الحب يخلف دايـمٍ نظـرة الانسـان

عيـون الرضـا توريـك سياتهـم زينـه

أفضـل جبا جـدة على جـملة الاوطـان

على شـان خلي ساحـل البحـر مغلينـه