ياذيـب أنـا يابـوك حالـي تـردى

وانا عليـك من المواجيـب ياذيـب

تكسب لي اللي لاقـح عقـب عـدا

طويلة النسنـوس حرشـا عراقيـب

تجـر ذيـل مثـل حبـل المعــدا

وتبرى لحيـران صغـار حباحيـب

واشري لك اللي ركضـها ما تقـدا

ما حد لقى فيها عيـوب وعذاريـب

قبا علـى خيـل المعـادي تحـدى

مثل الفهد توثـب عليـهم تواثيـب

أنـا اشهـد انـك باللـوازم تسـدا

وعز الله انك خيـرة الربع بالطيـب

يا للي علـى ذيـب السريـا تعـدا

لو حال من دونه عيـال معاطيـب

ليـث على درب المراجـل مقـدى

ما فيك يا ذيـب السبايـا عذاريـب