سرى البارق اللي له زمانيـن ما سـرى

صدوق المخايل بارقه يجـذب السـاري

على فرعـة الـوادي وسيلـه تحـدرى

وغنت طيور الماء على حايـر الجـاري

طاري مرامي غزال عقب عرفه تنكـرى

عليه الله أكبر كـل ما حـل له طـاري

برى الجرح منه ومني الجـرح ما بـرى

وهو يحسب انه يوم طال المـدى بـاري

نطحني بجز الثـوب حـدر المشجـرى

جميل المحاسـن لا ضخيـم ولا عـاري

الساري ابو لبه مثل القمر ضاح واسفرى

وإلى غابت القمـرا تقـدى به السـاري

تـرى سلبة العاتـق إلى صـد ما درى

كما سلبة العرجون في صفحـة الـذاري

صويب الهوى مسكين مشيـه على ورى

ترى النقص فيه وحيله أقوى من الضاري