كأنك على قـولك تمنـى لي الخيـر

ساعدنـي أنسى حبـك اللي خذانـي

خلـى حياتـي تنقلـب كلـها غيـر

وانسى الحبايـب والزمن والمكانـي

حبـي لك أبلـغ من كل الأساطيـر

ما له بقامـوس الهوى وصف ثانـي

لا شك أنا أشعر بالنهاية وش تصـير

واحسب حسـاب فراقنـا بالثوانـي

بينـي وبينـك واقـع الحال تحذيـر

وعنـد المـوادع ما تفيـد الأمـاني

عند خبـر مثلـي بحكـم المقاديـر

على هوانـا صـادر الحكـم ثـاني

كرهني بنفسـك ولو بذنـب صغيـر

القى به اعـذاري واعـود لزمانـي

المشكل انه ما بـدى منـك تقصيـر

وهـذا يـزود واقعـك فـي كيانـي