تخطي علي ... واستسمحك ... وترجاك

ضعفي هـواك ... وفطنتك ماتخونـك

المشكـل إني كل ... ما جيت ابنسـاك

فكرت نفسـي كيف ... ترتاح دونـك

وما ظن لا هـذا ... ولاذا ... ولاذاك

واللي سمعت بذكـره ... يعوضونـك

تدري إني أعشق فيك شامل سجايـاك

زينك وشينـك ... في قساك وليونـك

وإنـي متيـم فـي محاسـن محيـاك

وتعرف على وشلون ... سلطة عيونك

تامر على من موقها الموت ... هـذاك

وأطاوع أمره قبل ترمش ... حفونـك

رديت قلبـي عنك لاشك ... هو جـاك

وجيتـك معه راضي بمقبـل طعونـك

ارجع واقول أهواك ... وأهواك وأهواك

وبكفيـك اتعـذب ... ولكـن بهونـك